Codex Iuris Canonici auctoritate Ioannis Pauli PP. II promulgatus

la · official · sha256:9c6d5505057a97fdcfafc751e5d6fe1b447c0636e19999bd83b8d7eb715543f6LA

Can. 1075 — § 1. Supremae tantum Ecclesiae auctoritatis est authentice declarare quandonam ius divinum matrimonium prohibeat vel dirimat. § 2. Uni quoque supremae auctoritati ius est alia impedimenta pro baptizatis constituere.

Referencing norms: IrritumIureDivino1983, ius_divinum_dirimit_1983, ius_divinum_dirimit_1983/external

la · official · sha256:838251f29aaa7234961c08c0706739cf263ef647991139917fd12f8bbf462c2dLA

Can. 1078 — § 1. Ordinarius loci proprios subditos ubique commorantes et omnes in proprio territorio actu degentes ab omnibus impedimentis iuris ecclesiastici dispensare potest, exceptis iis, quorum dispensatio Sedi Apostolicae reservatur. § 2. Impedimenta quorum dispensatio Sedi Apostolicae reservatur sunt: 1° impedimentum ortum ex sacris ordinibus aut ex voto publico perpetuo castitatis in instituto religioso iuris pontificii; 2° impedimentum criminis de quo in can. 1090. § 3. Numquam datur dispensatio ab impedimento consanguinitatis in linea recta aut in secundo gradu lineae collateralis.

Referencing norms: Dispensabile1983, Dispensatio1983Effectus, Dispensatio1983Ordinarii, DispensatioOrdinarii1983, Indispensabile1983Fraternitas, Indispensabile1983Recta

la · official · sha256:fd42ac1d82d8fdc390604b637e415ea0ef283851d929a4cc427b17e8802356e6LA

Can. 1079 — § 1. Urgente mortis periculo, loci Ordinarius potest tum super forma in matrimonii celebratione servanda, tum super omnibus et singulis impedimentis iuris ecclesiastici sive publicis sive occultis, dispensare proprios subditos ubique commorantes et omnes in proprio territorio actu degentes, excepto impedimento orto ex sacro ordine presbyteratus. § 2. In eisdem rerum adiunctis, de quibus in § 1, sed solum pro casibus in quibus ne loci quidem Ordinarius adiri possit, eadem dispensandi potestate pollet tum parochus, tum minister sacer rite delegatus, tum sacerdos vel diaconus qui matrimonio, ad normam can. 1116, § 2, assistit. § 3. In periculo mortis confessarius gaudet potestate dispensandi ab impedimentis occultis pro foro interno sive intra sive extra actum sacramentalis confessionis. § 4. In casu de quo in § 2, loci Ordinarius censetur adiri non posse, si tantum per telegraphum vel telephonum id fieri possit.

Referencing norms: Dispensatio1983InPericuloMortis, DispensatioInPericuloMortis1983

la · official · sha256:58c2c0b24f4500064a4a394575b7b24fdc7f2cd97b5ac529231cb326cd42e8a7LA

Can. 108 — § 1. Consanguinitas computatur per lineas et gradus. § 2. In linea recta tot sunt gradus quot generationes, seu quot personae, stipite dempto. § 3. In linea obliqua tot sunt gradus quot personae in utraque simul linea, stipite dempto.

Referencing norms: Generatio1983Prima, Generatio1983Ulterior, GradusObliquae1983, LineaRecta1983Posterior, LineaRecta1983Prior, StipesCommunis1983

la · official · sha256:c2c5055a988effd1e058d5f2b9b1163462296afccfa2a84463ab5f0ef9034d52LA

Can. 1091 — § 1. In linea recta consanguinitatis matrimonium irritum est inter omnes ascendentes et descendentes tum legitimos tum naturales. § 2. In linea collaterali irritum est usque ad quartum gradum inclusive. § 3. Impedimentum consanguinitatis non multiplicatur. § 4. Numquam matrimonium permittatur, si quod subest dubium num partes sint consanguineae in aliquo gradu lineae rectae aut in secundo gradu lineae collateralis.

Referencing norms: Impedimentum1983Closure, Impedimentum1983LineaCollateralis, Impedimentum1983LineaRecta, NullumImpedimentum1983, NunquamPermittendum1983Collateralis, NunquamPermittendum1983Recta